Sir Gawain and the Green Knight

Parte I, estrofa 9

[stanza 9 (long)]

179wel gay watz þis gome gered in grene

180and þe here of his hed of his hors swete

181fayre fannand fax vmbefoldes his schulderes

182a much berd as as a busk ouer his brest henges

183þat wyth his hiklich here þat of his hed reches

184watz euesed al vmbetorne abof his elbowes

185þat half his armes þervnder were halched in þe wyse

186of a kyngez capados þat closes his swyre

187þe mane of þat mayn hors much to hit lyke

188wel cresped and cemmed wyth knottes ful mony

189folden in wyth fildore aboute þe fayre grene

190ay a herle of þe here anoþer of golde

191þe tayl and his toppyng twynnen of a sute

192and bounden boþe wyth a bande of a brykt grene

193dubbed wyth ful dere stonez as þe dok lasted

194syþen þrawen wyth a þwong a þwarle knot alofte

195þer mony bellez ful brykt of brende golde rungen